இவருடைய கவிதைத் தொகுப்பில் நான் ரசித்த சில வரிகள்

இப்படிப்பட்ட வரிகள் எத்தனையோ குவிந்து கிடக்கின்றன ராஜ்குமாரின் கவிதைத் தொகுப்பில்! கல்லூரிப் படிக்கும் நேரத்திலேயே இப்படிப்பட்ட வரிகளைத் தேர்ந்தெடுத்து கவிதையாக்கியிருக்கும் இந்த இளம் கவிஞரை மனதாரப் பாராட்டுகிறேன், வாழ்த்துகின்றேன்.

கல்லூரிப் பருவத்தில் கண்நிறையக் கனவுகளும் மனம் நிறையக் கவிதைகளுமாய் உலாவரும் இளைய கவிஞர்களுள் ஒருவர் ல.ராஜ் குமார்.

என்று உழைப்பாளிப் பற்றி உதிரக் கவிதை வரைகிறார். அதேநேரம்,

உணர்ச்சிகளுக்கு உண்மையாயிருப்பவனே எழுத முடியும் என்கிற இலக்கணத்திற்கு உண்மையாயிருக்கும் இந்த இளைஞரை வாழ்த்துகின்றேன்.

கவிதை என்பது காகிதம் அச்சடிக்கும் ஆயுதம்! அந்த ஆயுத்தை வடிக்கும் பணியை தம்பியின் எழுத்துக்கள் செவ்வனே செய்கிறது. ராஜ்குமார் என்னும் இந்த ராஜீய கவிஞர் பெரும்புகழ் பல பெற்று இந்தப் புவியில் வாழ்க! வாழ்க!

மோசசின் ஊன்று கோல் கடலைப் பிளந்து வழி ஏற்படுத்தியது. ஆதரவற்ற குழந்தைகளுக்கு உதவி புரிவதற்காக ஒரு கவிதைத் தொகுப்பை வெளியிடுகிறார் ல.ராஜ்குமார். நல்ல நோக்கம். அவருடைய கவிதை மோசசின் ஊன்று கோலாக வாழ்த்துகிறேன்.

வானம் இவருக்கு வசப்படும்! வெற்றி இவர் கையில் வெகு விரைவில் அகப்படும்!

தொகுப்பில் நுழைந்தேன். தோப்பில் நுழைந்ததைப் போல வெவ்வேறு மரங்கள் - வெவ்வேறு மலர்கள் - வெவ்வேறு கனிகள். இளைப்பாரிக் கொள்ள நிறைய காதல் நிழல்கள்.

அன்புத் தம்பி ல.ராஜ்குமாரின் " ஃ " அவரின் இயல்பான போர்க்குணத்தை ஒளிரவைக்கும் படைக்கலனாய் மிளிர்கிறது. பகுத்தறிவுக்கெதிரான பழமையை நொறுக்கும் வலிமைப் பெற்றதாய் விளங்குகிறது. ஒடுக்கப்பட்ட - உழைக்கும் மக்களின் உரிமைக்குரலாய் எழுச்சியூட்டுகிறது. சாதியத்தைத் தோலுரிக்கிறது.

தந்தை பெரியார், புரட்சியாளர் அம்பேத்கர் ஆகிய மகத்தானப் போராளிகளின் அடிச்சுவடுகளில் இதோ மேலும் ஒரு புதிய போராளி. இளம் போராளி ல.ராஜ்குமார்.